Katrín Fjóla Bragadóttir KFR og Hinrik Óli Gunnarsson ÍR Íslandsmeistarar einstaklinga 2023

Íslandsmóti einstaklinga 2023 í keilu lauk á þriðjudag með hörku úrslitakeppni þar sem elsti keppandinn var 74 ára en sá yngsti einungis 12 ára.

Meðalaldur í kvennaflokki var tæplega 44 ár en í karlaflokki létu ungmennin til sín taka þar sem fjórir af átta keppendum í undanúrslitum voru undir 19 ára aldri og meðalaldur keppenda í úrslitum var rétt ríflega 17 ár.

Þetta er í fyrsta sinn sem allir keppendur í úrslitum karla eru undir 19 ára aldri og því ljóst að framtíðin er björt í keiluíþróttinni á Íslandi.

Í kvennaflokki spiluðu til úrslita Katrín Fjóla Bragadóttir KFR, Linda Hrönn Magnúsdóttir ÍR og Nanna Hólm Davíðsdóttir ÍR.
Linda Hrönn varð Íslandsmeistari árið 2022 en varð að lúta í lægra haldi fyrir Katrínu Fjólu í lokaleik úrslitanna og endaði því í öðru sæti, þetta er fyrsti Íslandsmeistaratitill Katrínar Fjólu.

Loka staða hjá konunum:
1.sæti Katrín Fjóla Bragadóttir KFR 
2.sæti Linda Hrönn Magnúsdóttir ÍR
3.sæti Nanna Hólm Davíðsdóttir ÍR

Í karla flokki voru það líkt og áður segir ungir og upprennandi keilarar sem spiluðu til úrslita þeir Hinrik Óli Gunnarsson ÍR, Mikael Aron Vilhelmsson KFR og Aron Hafþórsson KFR, allir eru þeir í U21 afrekshópi Keilusambandsins.

Það voru svo þeir Hinrik og Mikael sem spiluðu lokaleik úrslitanna þar sem Hinrik hafði betur og hlaut sinn fyrsta Íslandsmeistaratitil.
Hinrik Óli er yngsti Íslandsmeistari sambandsins í 23 ár eða frá árinu 2000 og næst yngstur í sögu sambandsins.

Lokastaða hjá körlum:
1.sæti Hinrik Óli Gunnarsson ÍR
2.sæti Mikael Aron Vilhelmsson KFR
3.sæti Aron Hafþórsson KFR

Skor frá kvöldinu hjá körlum:

Skor frá kvöldinu hjá konum:

Mikil gróska hefur verið í keilunni undanfarin misseri og eru nú um 25% fleiri iðkendur í keilu en á sama tíma í fyrra. Ungmennin hafa verið að láta mikið til sín taka og náð virkilega góðum árangri á mótum bæði hérlendis og erlendis, það hefur fjölgað töluvert í þessum hópi svo framundan er enn frekari uppbygging keiluíþróttarinnar á Íslandi.