Íslandsmeistararnir okkar, þau Hafþór Harðarson og Ragnheiður Þorgilsdóttir hefja leik í dag á Evrópumóti landsmeistara sem fram fer í San Marino. Þeim til halds og trausts er Hörður Ingi Jóhannsson. Æfingar og opnunar athöfn fer fram í dag og síðan byrjar keppni á morgun og heldur síðan áfram þar til nýjir Evrópumeistarar verða krýndir á sunnudaginn.
Hægt er að fylgjast með mótinu á vefsíðu mótsins og verður bein útsending á netinu, tengil er hægt að nálgast á heimasíðu mótsins.
Sendum þeim góða strauma og vonum að þeim farnist vel í keppninni framundan.
