Íslandsmót einstaklinga 2022 – Fyrsti dagurinn – Arnar Davíð með 300 leik

Í morgun voru leiknir fyrstu 6 leikirnir á Íslandsmóti einstaklinga 2022 en leikið er að venju í Keiluhöllinni Egilshöll. Efstur í karlaflokki eftir daginn í dag er Hafþór Harðarson úr ÍR með 243,3 í meðaltal en efst í kvennaflokki er Ástrós Pétursdóttir úr ÍR með 189,3 í meðaltal. Alls taka þátt 29 karlar og 15 konur í mótinu í ár og eru þar á meðal „útlendingarnir okkar“ eða Arnar Davíð Jónsson og önnur þau sem búsett eru út í Svíþjóð og æfa og keppa þar.

Í frysta leik dagsins náði Hafþór 299 leik, einum pinna frá fullkomnum leik en Arnar Davíð Jónsson úr KFR náði fullkomna leiknum 300 í næsta leik á eftir. Settu þeir strax viðmiðið í mótinu karla megin með þessum frábæru leikjum. Það skemmtilega við þessa tvo leiki er að þeir félagar spiluðu þá á sama brautarparinu eða brautum 9 og 10.

Mótið heldur áfram á morgun sunnudag en þá verða leiknir seinni 6 leikirnir í forkeppninni. Hefst keppnin kl. 09 í Keiluhöllinni. Að lokinni forkeppni komast 10 efstu konurnar áfram í milliriðil og 16 efstu karlarnir samkvæmt mótsreglum en fjöldi í milliriðil er háður fjölda þátttakenda í forkeppni. Skorið úr forkeppni fylgir keppendum áfram í gegn um mótið fram að úrslitum. Milliriðill sem eru aðrir 6 leikir verður leikinn á mánudagskvöldið kemur og hefst keppnin kl. 19:00. Á þriðjudaginn fara síðan fram undanúrslit og úrslit mótsins. Þá leika 8 efstu úr hvorum flokki og er keppt maður á mann. Að því loknu fara 3 efstu í úrslit en þá leika þeir einn leik og dettur sá út sem er með lægsta skorið. Tveir leika þá um Íslandsmeistaratitil einstaklinga 2022. Stefnt er að því að streyma frá þriðjudagskvöldinu á Fésbókarsíðu KLÍ. Hefst keppnin kl. 19:00.

Úrslit dagsins urðu þessi

Karlar

Konur