Íslandsmót einstaklinga með forgjöf verður haldið í Keiluhöllinni Öskjuhlíð og Keiluhöllinni Egilshöll dagana 28.feb – 3. mars n.k.
Sjá auglýsingu eða fara beint á skráningarsíðu.
Forkeppni – helgina 28.feb. – 1. mars kl. 10:00 í Keiluhöllinni Öskjuhlíð og Egilshöll.
Allir keppendur spila 8 leiki í forkeppninni, 4 leiki hvorn dag, annan daginn í Keiluhöllinni Öskjuhlíð og hinn daginn í Keiluhöllinni Egilshöll. Efstu 12 karlarnir og efstu 12 konurnar halda áfram í milliriðil. Verð í forkeppni kr. 6.500.-
Milliriðill – mánudaginn 2. mars kl. 19:00 í Keiluhöllinni Egilshöll
Efstu 12 karlarnir og 12 konurnar spila 4 leiki í milliriðli. Efstu 6 karlarnir og efstu 6 konurnar halda áfram í undanúrslit. Verð í milliriðil er kr. 3000.-
Undanúrslit – þriðjudaginn 3. mars kl. 19:00 í Keiluhöllinni Egilshöll
Efstu 6 karlarnir og efstu 6 konurnar spila 5 leiki, allir við alla, einfalda umferð. Verð í undanúrslit kr. 3.700 kr.-
Úrslit – þriðjudaginn 3. mars strax að loknum undanúrslitum
Spiluð eru úrslit milli tveggja efstu manna/kvenna, sá/sú sem er efst að stigum fyrir úrslit nægir að vinna tvær viðureignir (2 stig) en annað sætið þarf að vinna þrjár (3 stig). Jafnteflisviðureignir telja sem skipt viðureign (1/2 stig á hvorn), ef enn er jafnt eftir 5 leiki þá ræður pinnafall.
Sigurvegarinn fær titilinn Íslandsmeistari einstaklinga með forgjöf.
Olíuburður í mótinu er 2013 EBT 14 – BNC Open 39 fet Ratio 2,36
Andrea Björk Sigrúnardóttir ÍR og Matthías Leó Sigurðsson ÍA eru Íslandsmeistarar einstaklinga með forgjöf 2014
