Tvímenning lokið – EYC 2024

Nú er tvímenning lokið á Evrópumóti unglinga 2024 í Helsinki í Finnlandi.
Strákarnir hófu leik í gær, 27.mars og stóðu sig einstaklega vel.
Ásgeir Karl og Matthías Leó hófu daginn og áttu fína leiki en náðu sér aldrei almennilega á skrið.
Ásgeir spilaði 1153 í 6 leikjum og Matthías spilaði 1224.

Í seinni riðli spiluðu Mikael Aron og Tristan Máni saman og áttu þeir virkilega góða leiki.
Þeir voru aðeins 19 pinnum frá því að koma sér í undanúrslit í tvímenning og hársbreidd frá medalíu. Þetta er besti árangur Íslands í tvímenning stráka á Evrópumóti unglinga frá upphafi.
Mikael átti seríu uppá 1414 pinna í 6 leikjum og Tristan spilaði 1199.

Í dag, 28.mars byrjuðu stelpurnar að spila.
Olivia og Viktoría Hrund byrjuðu daginn af krafti en náðu ekki að halda sér í sama formi og í einstaklingskeppninni.  Olivia spilaði 1097 í 6 leikjum og Viktoría spilaði 1055.

Bára Líf og Særós Erla spiluðu svo í seinna holli og voru þær með fínustu spilamennsku.
Særós náði ekki að fylgja eftir því sem hún gerði í einstaklingskeppninni en náði þó góðum leikjum og endaði með 914 í 6 leikjum.
Bára náði heldur betur að bæta sitt skor frá því í  einstaklingskeppninni og spilaði 1018 og bætti Íslandsmet í 3, 4 og 5 leikjum í 11-12 ára flokki stúlkna.

Þá er bara liðakeppnin og masterskeppnin eftir. Liðakeppni er spiluð þannig að fyrstu 3 leikir hjá báðum kynjum eru spilaðir á morgun, 29. mars og seinni 3 leikirnir spilaðir 30. mars. Í masterskeppni eru efstu 16 í All-Event sem komast áfram og spilað er maður á mann. Mikael Aron er næst úrskurði strákamegin en honum vantar bara 19 pinna til að komast inn. Viktoría er næst úrskurði stelpumegin og er hún 155 pinnum frá.

Liðakeppni á morgun og verður hægt að fylgjast með í beinu streymir hér:

Stöður og dagskrá o.fl. er hér:

ÁFRAM ÍSLAND!