Besti árangur frá upphafi – Dagur 6 á Evrópumóti karla 2023

Þrímenningskeppni lauk í dag, 14. júní með leikjum 4-6 í báðum riðlum. Guðlaugur, Magnús og Hafþór byrjuðu í morgun og voru brautirnar erfiðar fyrir þá. Samanlagt voru þeir með 3633 pinna í heildina úr sex leikjum, sem gerir 201.8 í meðaltal. Það skilaði þeim 43. sæti.

Spennan var meiri í hinum riðlunum en eftir fyrri daginn voru Arnar, Jón Ingi og Skúli í 3. sæti og var því möguleiki á að spila til úrslita ef allt gengi þeim í hag. Þeir spiluðu virkilega vel í öðrum leik dagsins en sá leikur var uppá 788 pinna, sem er 262.6 í meðaltal á mann. Útlitið var því gott fyrir síðasta leik en þeir voru komnir upp í 2. sæti. Þeir náðu ekki sama gír og í leiknum á undan og féllu langt niður í pinnafalli. Þeir enduðu í 5. sæti eftir svakalega spennu. Þetta er besti árangur þrímennings hjá íslensku liði frá upphafi

Finnar, Þjóðverjar og 2 lið Svía spiluðu í undanúrslitum og voru það sænsku liðin sem komu sér í úrslit. Svíþjóð náði að gulltryggja gull og silfur medalíur en Pontus Andersson, Jesper Svensson og James Blomgren báru sigur úr bítum í úrslitum gegn Mattias Wetterberg, Markus Jansson og Martin Larsen.

Næst á dagskrá er liðakeppni. Hún er eins og þrímenningur, sex leikjum skipt á tvo daga. Aðeins eru 5 menn í hverju liði en sá eini sem ekki er með í liðakeppni spilar sína leiki með öðrum leikmönnum sem ekki voru valdir í liðakeppnina frá öðrum þjóðum.

Liðið lítur svona út:

• Hafþór Harðarson
• Guðlaugur Valgeirsson
• Skúli Freyr Sigurðsson
• Jón Ingi Ragnarsson
• Arnar Davíð Jónsson

Í blönduðu liði er:

• Magnús Sigurjón Guðmundsson

Upphitun hefst klukkan 8:00 að íslenskum tíma á morgun, 15. júní.

Vefsíða mótsins er hér

Streymi er hér:

Stöður og úrslit eru hér:

Hörður Ingi Jóhannsson og Guðmundur Sigurðsson hafa verið að taka saman dagana hjá keppendum og setja á Youtube.
Hægt er að nálgast myndböndin hér að neðan: 

Upphitun og æfingar 
Dagur 1 (Æfingar og opnunnarhátíð)
Dagur 2 (Keppnisdagur 1)
Dagur 3 (keppnisdagur 2)
Dagur 4 (keppnisdagur 3)
Dagur 5 (keppnisdagur 4)
Viðtal við Robert Andersson