Kristján Þórðarson KR og Guðný Gunnarsdóttir ÍR eru Íslandsmeistarar öldunga 2023

Í gærkvöldi lauk keppni á Íslandmóti öldunga 2023. Voru það þau Kristján Þórðarson frá KR og Guðný Gunnarsdóttir frá ÍR sem stóðu uppi sem sigurvegarar eftir úrslitakeppni 3 efstu. Er þetta í þriðja sinn sem Kristján landar þessum titli og jafnar þar með fjölda titlanna við Guðmund Sigurðsson og Rögnu Matthíasdóttur. Guðný Gunnarsdóttir er að vinna þetta mót í fyrsta sinn.

Í karlaflokki mættust í úrslitunum Matthías Helgi Júlíusson úr KR sem leiddi mótið í gegn um forkeppnina og undanúrslit, Þórarinn Már Þorbjörnsson úr ÍR og Kristján Þórðarson úr KR. Fyrirkomulag úrslitanna er eins og í öðrum Íslandsmótum einstaklinga, efstu 3 leika einn leik og dettur sá með lægst skorið út og hinir tveir leika um titilinn. Matthías varð í 3. sæti mótsins og þar af leiðandi léku þeir Þórarinn og Kristjá til úrslita og þar hafði Kristján betur og hlítur titilinn Íslandsmeistari öldunga.

Hjá konum varð það Linda Hrönn Magnúsdóttir úr ÍR sem varð í 3. sæti en hún leiddi keppnina fram að úrslitum. Í öðru sæti varð Bára Ágústsdóttir úr ÍR og Íslandsmeistari öldunga 2023 er Guðný Gunnarsdóttir frá ÍR.

Hér má sjá lokastöðu mótsins frá í gær sem og skor úr úrslitakeppninni.

Karlar

Konur