Guðjón Júlíusson KFR og Karitas Róbertsdóttir ÍR eru Reykjavíkurmeistarar einstaklinga með forgjöf

Opna Reykjavíkurmótið í keilu hófst í gær með forgjafarmótinu. Það voru þau Guðjón Júlíusson KFR og Karitas Róbertsdóttir sem fóru með sigur af hólmi. Voru þau bæði efst eftir forkeppnina, Guðjón með 193,0 í meðaltal og Karitas með 173,8.

Guðjón vann hinn unga Tristan Mána Nínuson ÍR í úrslitaleiknum með 223 geng 209. Tristan endaði í 4. sæti forkeppninnar en vann sig alla leið upp í úrslitaleikinn með fínni spilamennsku. Í þriðja sæti varð svo Matthías Leó Sigurðsson ÍA, í því 4. varð Eiríkur Garðarsson ÍR og í því 5. varð Ásgeir Karl Gústafsson KFR.

Karitas sigraði Báru Ágústsdóttur ÍR í úrslitum með 184 gegn 169. Bára endaði í 5. sæti eftir forkeppnina og vann sig því líka alla leið í úrslitaleikinn. Í 3. sæti varð síðan Jóna Gunnarsdóttir KFR, í því 4. varð Snæfríður Telma Jónsson ÍR og í því 5. varð Helga Sigurðardóttir KFR.

Í kvöld verður svo keppnin án forgjafar þar sem Reykjavíkurmeistarar einstaklinga í karla og kvennaflokki verða krýndir. Þetta mót markar upphaf hvers keppnistímabils í keilu. Deildarkeppnin fer síðan af stað um komandi helgi.

Frá vinstri: Matthías Leó Sigurðsson ÍA, Guðjón Júlíusson KFR og Tristan Máni Nínuson ÍR

Frá vinstri: Bára Ágústsdóttir ÍR, Karitas Róbertsdóttir ÍR og Jóna Gunnarsdóttir KFR

Forkeppnin í forgjafarmótinu fór sem hér segir:

Karlar

Konur