Arnar Davíð Jónsson er staddur þessa dagana í Las Vegas að taka þátt í atvinnumannamótaröðinni í keilu (PBA). Arnar Davíð er 2. íslendingurinn til að taka þátt í WSOB (World Series Of Bowling) og sá 3. til að spila á PBA.
Arnar þurfti að fara í gegnum úrtökumót til að öðlast keppnisrétt á mótaröðinni. Hann fór auðveldlega í gegn með frábærri spilamennsku og endaði í 2. sæti í úrtökumótinu og fær keppnisrétt á 3 mótum sem eru hluti af WSOB. Samanlagður árangur úr þessum 3 mótum myndar svo 4. mótið sem er PBA World Championship og er eitt af risamótunum á túrnum.
Þegar þetta er skrifað hefur Arnar lokið leik á fyrsta mótinu (Cheetah Championship) og endaði hann í 80. sæti en næsta mót hefst strax en það er Chameleon Championship.
Hægt er að fylgjast með Arnari á Flowbowling en það þarf áskrift til að horfa á.
Keilusamband Íslands óskar Arnari góðs gengis það sem eftir er að mótaröðinni!
