Einar Már Björnsson og Hafþór Harðarson eru Íslandsmeistarar í tvímenningi 2019

Þeir Einar Már og Hafþór úr ÍR tryggðu sér í dag Íslandsmeistaratitilinn í tvímenningi 2019 þegar þeir lögðu þá Gústaf Smára Björnsson og Jón Inga Ragnarsson úr KFR í hreinum úrslitaleik 424 gegn 393. Þeir Einar og Hafþór leiddu alla forkeppnina sem og undanúrslit. Samkvæmt reglum keppninnar þurftu þeir tvo sigra í úrslitum en Gústaf og Jón þurftu 3 sigra. Skiptust þeir á að vinna leikina, Gústaf og Jón fyrst og þá Einar og Hafþór. Varð því um hreinan úrslitaleik að ræða þegar þeir áttust við í 4. leik úrslitanna.

Í þriðja sæti urðu síðan þeir Bjarni Páll Jakobsson ÍR og Björn G Sigurðsson KFR. Í 4. sæti urðu Arnar Sæbergsson og Stefán Claessen úr ÍR, í 5. sæti urðu feðgarnir Guðmundur Sigurðsson og Magnús Guðmundsson úr ÍA og í 6. sæti urðu þau Nanna Hólm Davíðsdóttir og Birgir Kristinsson úr ÍR.

Streymt var frá undanúrslitum og úrslitum á Fésbókarsíðu Keilusambandsins og má sjá upptöku þar.

Jón Ingi Ragnarsson og Gústaf Smári Björnsson KFR 2. sæti, Einar Már Björnsson og Hafþór Harðarson ÍR Íslandsmeistarar í tvímenningi 2019. Björn G Sigurðsson KFR og Bjarni Páll Jakobsson ÍR 3. sæti.

Leikir í Undanúrslitum:

Leikir í Úrslitum: