Í kvöld lauk keppni á Íslandsmóti liða þegar úrslitaviðureignir í karla og kvennaflokki kláruðust.
Um var að ræða þriðja úrslitakvöld og spennan mikil í báðum flokkum
Það voru KFR-Valkyrjur og ÍR-TT sem léku til úrslita hjá konunum. Leikar voru jafnir alveg fram að lokum þriðja leiks en þá sigldu KFR-Valkyrjur fram úr og unnu kvöldið 9 – 5 og úrslitaeinvígið 23 – 19. KFR-Valkyrjur eru því Íslandsmeistarar 2017.
Hjá körlunum var spennan mikil fyrir kvöldið. Það slokknaði hins vegar á henni þegar ÍR-KLS vann fysta leikinn 4 – 0 í kvöld en Lærlingar komu sterkir til baka og unnu næsta leik 0 – 4. Lærlingar þurftu því að vinna síðasta leikinn stórt en voru herslumun frá því og ÍR-KLS er því Íslandsmeistari 2017, unnu samtals 22 – 20.
Til hamingju KFR-Valkyrjur og ÍR-KLS
Úrslit úr undanúrslitum og úrslitum má sjá hér
