Hafdís Pála hóf leik í dag á Evrópumótinu í Olomouc.
Eftir ágætis byrjun í fyrsta leik reyndist það sem á eftir kom frekar erfitt. Hafdís var að kasta ágætlega en gekk illa að finna línu og einnig var leifaspilið ekki að ganga nógu vel. Hún endaði með 1319 í 8 leikjum sem gera 164,9 í meðaltal og er í 16. sæti þegar fyrsta riðli af þremur er lokið. Hin sænska Casja Wegner spilaði best í riðlinum eða 1825 sem gera 228.1 í meðaltal.
Í fyrramálið kl. 7:00 að íslenskum tíma hefst svo keppni hjá Arnari Davíð en Hafdís leikur næst á morgun kl. 11:30.
