Gengið hefur verið frá ráðningu á Theódóru Ólafsdóttir í stöðu íþróttastjóra KLÍ.
Starfið er nýtt og snýr að utanumhaldi um afreksstefnu og afreksþjálfun sambandsins. Theódóra hefur starfað sem þjálfari hjá Keilufélagi Reykjavíkur undanfarin ár og hefur lokið 3ja stigi ETBF, Evrópska keilusambandsins ásamt fleiri þjálfaranámskeiðum. Hún hefur verið þjálfari kvennalandsliðs Íslands en lætur nú af því starfi. Það er mikill fengur fyrir KLÍ að fá Theódóru í þetta starf og bjóðum við hana velkomna í hópinn.
