Keppnistímabilinu í keilu lauk í vikunni á úrslitaleikjum Íslandsmóts liða í 1. deild karla og kvenna. Nýkrýndir bikarmeistarar úr ÍR-KLS tryggðu sér Íslandsmeistararatitilinn í karlaflokki þriðja árið í röð og í níunda skiptið alls með sigri á liði KR-C í þremur viðureignum með samtals 35 stigum gegn 25.
Í kvennaflokki reyndust Deildar- og bikarmeistararnir KFR-Valkyrjur sterkari en ÍR-Buff sem var að spila í úrslitum í fyrsta skipti og tryggðu sér Íslandsmeistaratitilinn í áttunda sinn með samtals 34,5 stigum gegn 25,5.
