Að loknum 7. umferðum í 1. deild kvenna á Íslandsmóti liða er ÍR-Buff komið í efsta sæti deildarinnar með 93 stig, KFR-Valkyrjur eru komnar í 2. sæti með 91,5 stig og eiga einn leik til góða, ÍR-TT er í 3. sæti með 88,5 stig og einn leik til góða og ÍR-BK er í 4. sæti með 80,5 stig. Sjá stöðuna eftir 7. umferð
Í 7. umferð tók ÍA á móti KFR-Skutlunum á Akranesi, en mátti sætta sig við 3 stig á móti 17 hjá gestunum. ÍR-SK tapaði 0 – 20 á móti KFR-Afturgöngunum, ÍR-N tók 5 stig á móti ÍFH-Eldingu, ÍR-KK tók 0,5 stig á móti 19,5 hjá ÍR-Buff og ÍR-BK vann 3.5 stig af KFR-Valkyrjum. ÍR-TT sat hjá í 7. umferð.
Úrslit leikja í 7. umferð voru eftirfarandi:
ÍA – KFR-Skutlurnar 3 – 17
ÍR-SK – KFR-Afturgöngurnar 0 – 20
ÍR-N – ÍFH-Elding 5 – 15
ÍR-KK – ÍR-Buff 0,5 – 19,5
ÍR- BK – KFR-Valkyrjur 3,5 – 16,5
Staðan í 1. deild kvenna að lokinni 7. umferð:
1. ÍR-Buff 93,0 (7)
2. KFR-Valkyrjur 91,5 (6)
3. ÍR-TT 88,5 (6)
4. ÍR-BK 80,5 (7)
5. KFR-Afturgöngurnar 80,5 (6)
6. ÍFH-Elding 66 (7)
7. ÍR-N 62,5 (6)
8. KFR-Skutlurnar 45 (6)
9. ÍR-KK 41,5 (6)
10. ÍA 36,5 (6)
11. ÍR-SK 14,5 (7)
(fjöldi leikja í sviga)
KFR-Valkyrjur eru með hæsta meðaltal liðs 169,03, ÍR-TT er með 167,0 og KFR-Afturgöngurnar eru með 164,5. ÍR-TT á hæsta leik liðs 770, en KFR-Afturgöngurnar eiga hæstu seríu liðs 2.125.
Elín Óskarsdóttir KFR-Valkyrjum er með hæsta meðaltal deildarinnar 187,3 að meðaltali í leik í 15 leikjum. Dagný Edda Þórisdóttir KFR-Valkyrjum er með 179,8 að meðaltali í 16 leikjum og Linda Hrönn Magnúsdóttir ÍR-TT er með 178,7 í 18 leikjum. Keppni um stigameistararann er rétt að byrja. Elín er með 0,867 í 15 leikjum, Guðný Gunnarsdóttir ÍR-TT er með 0,806 í 18 leikjum og Ásdís Ósk Smáradóttir ÍR-Buff er með 0,800 að meðaltali í 5 leikjum. Dagný Edda er með hæsta fellumeðaltal deildarinnar 4,31 að meðaltali í leik, Elín er með 4,27 og Guðný er með 4,22. Ástrós Pétursdóttir ÍR-Buff á hæsta leik deildarinnar 245, Guðný á 234 og Helga Sigurðardóttir KFR-Afturgöngunum hefur spilað 225. Elín á hæstu seríuna 620, Helga kemur næst með 604 seríu og þriðja er Guðný með 593 seríu.
Sjá nánar stöðuna eftir 7. umferð
Í 8. umferð sem fer fram þriðjudaginn 26. nóvember mætast í Öskjuhlíð ÍFH-Elding og ÍR-KK, KFR-Skutlurnar og ÍR-N og KFR-Afturgöngurnar og ÍR-BK. Í Egilshöllinni taka KFR-Valkyrjur á móti ÍA og ÍR-TT tekur á móti ÍR-SK. ÍR-Buff situr hjá í 8. umferð og missir því að öllum líkindum efsta sætið strax aftur.
