Þegar ein umferð er eftir af keppninni í 2. deild karla á Íslandsmóti liða eru ÍR-Broskarlarnir og Þór Akureyri búnir að tryggja sér sæti í úrslitakeppninni. ÍR-Broskarlarnir eru nú með 304 stig í efsta sæti A riðils, en Þór Akureyri er í 2. sæti með 285 stig. ÍR-Naddóður kemur síðan í 3. sæti með 259,5 stig en þeir mæta Þór á Akureyri á laugardaginn og síðan kemur ÍR-A í 4. sæti með 254 stig. KR-B hefur mikla yfirburði í efsta sæti B riðlis, nú með 336.5, en ÍR-Blikk sem einnig er búið að tryggja sér sæti í úrslitunum er í 2. sæti með 244.5 stig. ÍR-NAS kemur síðan er í 3. sæti með 220 stig og ÍR-T er í 4. sæti með 194,5 stig.
Í 21. og síðustu umferð sem fer fram laugardaginn 13. apríl kl. 15:30 tekur ÍFH-A á móti KFR-KP-G í Öskjuhlíðinni, Þór tekur á móti ÍR-Naddóði í Keilunni á Akureyri og KFR-B og ÍR-Keila.is og ÍR-A og ÍR-Broskarlar mætast í Egilshöllinni. Í B riðli mætast í Öskjuhlíðinni KR-B og ÍFH-DK, ÍR-NAS og ÍR-G, ÍR-T og ÍR-Blikk og KFR-Þröstur og ÍA-B. Sjá nánar dagskrá
Úrslit leikja 20. umferðar sem fóru fram mánudaginn 8. og þriðjudaginn 9. apríl 2013 voru eftirfarandi:
ÍR-Naddóður – ÍR-A 8 – 12
ÍR-Broskarlar – KFR-B 18 – 2
ÍR-Keila.is – ÍRH-A 18 – 2
KFR-KP-G – Þór 5,5 – 14,5
ÍA-B – KR-B 3 – 17
ÍFH-D – ÍR-NAS 5,5 – 14,5
ÍR-Blikk – KFR-Þröstur 14 – 6
ÍR-G – ÍR-T 5 – 15
Staðan í A riðli 2. deildar karla er þannig:
1. ÍR-Broskarlar 304 stig
2. Þór 285 stig
3. ÍR-Naddóður 259,5 stig
4. ÍR-A 254 stig
5. ÍR-Keila.is 189 stig
6. KFR-KP-G 160,5 stig
7. KFR-B 97,5 stig
8. ÍFH-A 50,5 stig
Staðan í B riðli 2. deildar karla er þannig:
1. KR-B 336,5 stig
2. ÍR-Blikk 244,5 stig
3. ÍR-NAS 220 stig
4. ÍR-T 194,5 stig
5. KFR-Þröstur 178,5 stig
6. ÍFH-D 151,5stig
7. ÍR-G 143 stig
8. ÍA-B 128,5 stig
Stefán Þór Jónsson ÍR-Broskörlum er ennþá með hæsta meðaltal í deildinni eða 193,7 að meðaltali í leik í 33 leikjum. Sigurður Valur Sverrisson KFR-Þröstum kemur næstur með 187,6 að meðaltali í leik að loknum 21 leik og Magnús Reynisson KR-B kemur þriðji með 176,8 að meðaltali í 59 leikjum. Matthías Helgi Júlíusson KR-B er efstur í stigakeppninni með 0,853 stig að meðaltali og síðan kemur Guðmundur Konráðsson Þór með 0,825 og Stefán Þór með 0,818. Stefán Þór er með hæsta fellumeðaltal deildarinnar 4,67 að meðaltali í leik, Ingólfur Ómar Valdimarsson Þór kemur næstur með 4,26 og síðan kemur Sigurður Valur með með 4.19 fellur að meðaltali í leik. Matthías Helgi hefur spilað hæsta leik í deildinni í vetur 267, næstur kemur Stefán Þór með 257 og síðan Sigurður Valur með 255. Stefán Þór hefur spilað hæstu seríu vetrarins 690, Ólafur Guðmundsson KR-B kemur næstur með 650 og Gunnar Þór Gunnarsson í Þór hefur spilaði 649. Sjá nánar stöðuna í deildunum
