Dregið var í 4. liða úrslit Bikarkeppni liða í kvöld áður en deildarkeppni hófst í Egilshöllinni.
Í kvennaflokki taka KFR-Valkyrjur á móti KFR-Afturgöngunum og ÍR-TT á móti ÍR-BK í Egilshöllinni. Í karlaflokki tekur ÍR-L á móti ÍA-W í Öskjuhlíðinni og ÍA tekur á móti ÍR-KLS í Keilusalnum á Akranesi.
Undanúrslit Bikarkeppninnar fara fram þriðjudaginn 2. apríl n.k.
Olíuburður í Bikarkeppni KLÍ er 40 fet Vargen.
Sjá reglugerð um Bikarkeppni liða og úrslit fyrri umferða.
Fáum við að sjá nýja bikarmeistara liða í ár?
ÍR-KLS urðu bikarmeistarar liða síðustu 3 árin 2010 – 2012, ÍR-TT urðu bikarmeistarar 2012 og 2010, KFR-Afturgöngurnar hafa 12 sinnum orðið bikarmeistarar, síðast árið 2011 og eru sigursælastar allra liða. KFR-Valkyrjur voru bikarmeistarar 5 ár í röð á árunum 2004 til 2009. Önnur lið sem keppa í undanúrslitunum að þessu sinni hafa ekki orðið bikarmeistarar liða. Sjá bikarmeistara fyrri ára.
