Birt hefur verið nýtt allsherjarmeðaltal miðað við 31. janúar 2013. Hafþór Harðarson ÍR er enn með hæsta meðaltalið 221 og næstir á eftir honum koma ÍR ingarnir Robert Anderson 214, Magnús Magnússon 212 og Arnar Sæbergsson 209. Ástrós Pétursdóttir ÍR er með hæsta meðaltal kvenna 185 og næstar á eftir henni koma Elín Óskarsdóttir 179 og Dagný Edda Þórisdóttir 178 úr KFR og Guðný Gunnarsdóttir ÍR með 176.
Til meðaltals teljast síðustu 100 leikir fyrir mánaðamót fyrir útreikning meðaltals. Einnig eru birt mánaðar-, vetrar- og ársmeðaltöl keppanda.. Vetrarmeðaltal er reiknað útfrá leikjum á tímabilinu 1. júní til 31. maí. Þá kemur einnig fram hve langt er síðan síðasti leikur leikmanns sem taldi til meðaltals var leikinn, í dálkinum „Óvirkir mán.“ Hægt er að skoða þróun meðaltals og hvaða leikir teljast til síðustu 100 leikja undir Tölfræði og leikmenn
